लकडाउनको समयमा घर परिवार भन्दा टाढा देश विदेशमा रहनु हुने आम नेपाली दाजुभाइ तथा दिदीबहिनीहरुमा समर्पित

गीत / Song


गाउँ नै प्यारो भो आमा गाउँ नै प्यारो  भो 
विपतिमा पर्दा जन्म ठाउँ नै प्यारो भो 
आमा गाउँ नै प्यारो  भो

हरियाली बन पाखा बन्धु आँखामा छन
ठुला शहर महल नजिक मन टाढा भा’छन
ओल्लो घरको पल्लो घर आउनु जानु छैन
मान्छे मान्छे बिचमा यहाँ दुःख साट्नु छैन
गाउँ नै प्यारो भो आमा...........

रहर होइन बाध्यता थ्यो शहर आउनुको नि
कारण थियो साहुको रिण विदेश धाउनुको नि
देशमै केही गरुँ भन्थे रिण रह्यो भारी 
जोखिम बढ्यो विश्वमा नै लाग्यो महामारी
गाउँ नै प्यारो भो आमा .............

आउँछु बाँचे गाउँघर फर्की बाजो जमिन खन्छु
आफ्नै देशमा मज्दुर किसान जे–जे बने बन्छु
इच्छा जाग्यो बाबाआमा भेट्ने संगी साथी
मिलीजुली काम गरी देश उठाउँला माथी
गाउँ नै प्यारो भो आमा .............

                              -    मन बहादुर खत्री
                                  इस्मा–२ हस्तिचौर, गुल्मी