गजल (पल्पल्मा मरें म तिम्रो लागि मर्दिन अब त)

पल्पल्मा मरें म तिम्रो लागि मर्दिन अब त 

रहेछ झुठो विश्वास तिम्रो पर्दिन अब त 

वेचैन पार्दै अरुको मन म हाँस्न सक्दिन

रमाउनु तिमी कसैको खुशी हर्दिन अब त

टिपेर फूल गुराँस लाली पहाडी पाखाको 

भराउने आश थ्यो भकारी मनको भर्दिन अब त 

ठानेर आफ्नै जीवन साथी सर्वथोक सुम्पिएँ  

गरेछु भुल नजिक तिम्रो सर्दिन अब त 

लेखेको हुन्छ भावीले यहाँ देखेको हुँदैन

विन्ती छ प्रिय नगर्नु फोन गर्दिन अब त 

                        मन बहादुर खत्री
                      इस्मा–२ हस्तिचौर, गुल्मी